जापानमा सवारी दुर्घटना १० नेपाली घाइते, ५ को अवस्था चिन्ताजनक ।

प्रवास

सुरेन्द्र न्यौपाने

    २०७४ माघ १५ गते प्रकाशित   

टोकियो - जापानमा सवारी दुर्घटनामा परी १० जना नेपाली घाइते भएका छन् । स्थानीय समयअनुसार आइतवार साँझ भएको सवारी दुर्घटनामा १० जना नेपाली घाइते भएको त्यहाँको प्रहरीले जनाएको छ ।

घाइतेमध्ये ५ जनाको अवस्था गम्भीर छ ।

उनीहरुको साइतामा विश्वविद्यालय मेडिकल कलेजमा उपचार भइरहेको छ । घाइतेमध्ये रुपन्देहीको पर्रोहा नगरपालिका सैनामैना चोककी मिना केसी, रूपन्देहीकै कञ्चन गाँउपालिका ४ छपालिटोलकी मिना श्रीसमगर, बाग्लङ चमुवाकी लक्ष्मी चालिसे सुवेदी, रितुरणपाल दर्नाल र कमला नेपाली रहेका छन् ।

त्यस्तै घटनामा घाइते नेपालीको हात भाच्चिएको छ भने अन्यको अनुहार, मुख, दात र खुट्टामा चोट लागेको छ । घाइते पाँचैजनाको साइतामा विश्वविद्यालय अस्पतालमा उपचार भइरहेको छ ।

आइपीएल कम्पनीको बस खावागोय नजिकैको कामुदामा दुर्घटनामा परेको हो । घटनास्थल टोकियो महानगरपालिकाको इकेबुकुरोबाट २० किलोमिटर दक्षिणमा पर्छ ।

 

तपाईको प्रतिक्रिया