संविधानले दिएका अधिकार कार्यन्वयन गर्न समृद्धी आवश्यक : अध्यक्ष तिमिल्सिना

राजनीति

       

काभ्रे, २० असोज । राष्ट्रियसभा अध्यक्ष गणेश तिमिल्सिनाले संविधानले दिएका अधिकार कार्यन्वयन गर्न तीन तहका सरकार योजना बनाएर अगाडि बढ्नुपर्ने बताएका छन् ।

काभ्रेमा शनिबार आयोजित एक कार्यक्रममा अध्यक्ष तिमिल्सिनाले नेपालको संविधानले जनतालाई धेरै अधिकार प्रदान गरेको बताउँदै ति अधिकार जनतासम्म पु¥याउन तीन तहका सरकार लागिपर्नुपर्ने धारणा राखे ।

‘नेपालको संविधान विश्वमै उत्कृष्ट छ । यसले जनतालाई धेरै हक र अधिकार दिएको छ,’ उनले भने, ‘तर, यो चुनौतीपूर्ण छ । त्यसलाई जनताको झुपडीसम्म पु¥याउँन संघीय, प्रदेश तथा स्थानीय सरकारले योजना बनाएर दिनरात काम गर्नुपर्छ ।’

जनताले आफ्नो अधिकारको आभाष गर्न देश समृद्ध हुनुपर्ने धारणा अध्यक्ष तिमिल्सिनाले राखे । उनले संविधानअनुसार तीन तहमा स्थायी सरकार बनेपछि अब सबै नेपालीले देश समृद्ध बनेको हेर्न चाहेको बताए ।

उनले तीन तहका सरकारको समन्वय र सहकार्यमा गाउँ–गाउँसम्म सडक, बिजुली, शिक्षा, स्वास्थ्यलगायत विकासका पूर्वाधारलाई निमार्ण तथा स्तरउन्नतीमा जोड दिनुपर्ने सुझाब दिए ।

तपाईको प्रतिक्रिया