इरानमा भएको प्रदर्शनमा दश जनाको मृत्यु

तेहरान । इरानमा रातभरी भएको प्रदर्शनका क्रममा दश जनाको मृत्यु भएको स्थानीय सञ्चार माध्यमहरूले सोमबार जनाएका छन् । अहिले जारी प्रदर्शनका क्रममा सवै भन्दा बढी हिंसा आइतबार राति भएको बताइएको छ ।

राष्ट्रपति हसन रौहानीले भने कानुन मिच्ने र विद्रोह गर्नेहरूलाई इरानका जनताले राम्रैसँग प्रतिवाद गर्ने बताउनु भएको छ ।

मारिएका मध्ये ६ जना पश्चिमी ट्युसेरकानका रहेका छन् । सरकारी टेलिभिजनले गोली हान्नेहरू फरार रहेको समाचार प्रसारण गरेको छ ।

स्थानीय एक सांसदले दुई जनाको दक्षिणपश्चिमी शहर इजेहमा गोली हानी हत्या भएको बताउनुभयो ।

यी बाहेक किशोरावस्थाका एक किशोरसहित अन्य दुई जना पनि मारिएका छन् । इरानमा भइरहेको प्रदर्शनका क्रममा मृत्यु हुनेहरूको संख्या विगत चार दिनमा १२ पुगेको छ ।

यस प्रदर्शनका क्रममा सयौँ प्रदर्शनकारी पक्राउ परेका छन् । अधिकारीले जनाएअनुसार मुल्य वृद्धिका विरुद्धमा गरिएको भनिएको सो प्रदर्शन हिंसात्मक हँुदै गएका छन् ।

इरानको दोस्रो ठूलो सहर मस्साड र अरु पश्चिम इरानी सहरमा पनि हजारौँ प्रदर्शनकारीले सडकमा उत्रिएर प्रदर्शन गरेका विभिन्न सञ्चार माध्यमहरूले जनाएका छन् ।

प्रदर्शनकारीले देशमा आर्थिक समस्या थप जटिल बन्दै गएको र सरकारले त्यसलाई नियन्त्रणमा लिन नसकेको बताउँदै प्रदर्शन जारी रहेका उनीहरूले बताएका छन् ।

इरानका राष्ट्रपति हसन रौहानी नेतृत्वको सरकारका विरुद्धमा विभिन्न सहरका ती प्रदर्शन लक्षित रहेको स्थानीय सञ्चारमाध्यमले जनाएका छन् । — एजेन्सी


Loading...

Contact Us

Address:Madhesh Media House, Hanumansthan Chowk, Anamnagar, Kathmandu Nepal

Phone: 0977-1-4266141

Fax: 0977-1-4266141

Email: madheshvani@gmail.com