गणतन्त्र लोकतन्त्रको वास्तविक स्वरुप : प्रधानमन्त्री ओली

राजनीति

       

काठमाडौं, २३ बैशाख । प्रधानमन्त्री केपी शर्मा ओलीले गणतन्त्र भनेको लोकतन्त्रको वास्तविक स्वरुप भएको बताएका छन् ।

गणतन्त्र दिवस मूल समारोह समितिको बैठकलाई सम्बोधन गर्दै सोमबार प्रधानमन्त्री ओलीले सो कुरा बताएका हुन् । प्रधानमन्त्री ओलीले गणतन्त्रलाई जनताको दिवस बनाउनु पर्ने बताएका छन् ।

“यस दिवसलाई गाउँगाउँ र घरघमा समेत मनाउने गरी तयारी गर्नुपर्दछ” प्रधानमन्त्री ओलीले भने “यो जनताको दिवस हो । जनताले जितेको उत्सवको रुपमा यसलाई मनाउनु पर्दछ ।” प्रधानमन्त्री ओलीले नेपालमा २००७ सालभन्दा अघिदेखि नै गणतन्त्रका लागि संघर्ष भएको बताएका छन् ।

“कुनै एउटा आन्दोलनबाट मात्र नेपालमा गणतन्त्र आएको होइन” प्रधानमन्त्री ओलीले भने “विभिन्न समयका आन्दोलन र त्यागले गणतन्त्रको स्थापना भएको हो ।”

गणतन्त्रको स्थापनाले नेपालमा जन्मसिद्ध श्रेष्ठताको सिद्धान्तलाई विस्थापित गरेको बताए । कुनैबेला राजा बन्न पनि गणतान्त्रिक अभ्यास हुने गरेको स्मरण गर्दै प्रधानमन्त्री ओलीले पछिका शासकलाई जन्मसिद्ध श्रेष्ठताको सिद्धान्त ल्याएर गणतान्त्रिक मान्यता तोडेको प्रधानमन्त्री ओलीको भनाइ छ ।

“कुनै बेला लिगलिग कोटको राजा हुन पनि दौडमा जित्नु पथ्र्यो । यो कुराले त्यसबेला जन्मसिद्ध श्रेष्ठता थिएन भन्ने पुष्टि गर्छ” प्रधानमन्त्री ओलीले भने “पछिका शासकमा जन्मसिद्ध श्रेष्ठता स्थापित गरेर जनताको अवमूल्यन गरे । गणतन्त्रले त्यस मान्यतालाई विस्थापित ग¥यो ।”

तपाईको प्रतिक्रिया