गैंडाकोटको अक्सफोर्ड कलेजलाई अन्तर्राष्ट्रिय पदक

समाचार

       

नवलपुर, २६ असार । नवलपुरको गैंडाकोटमा रहेको अक्सफोर्ड कलेज अफ इन्जिनियरिङ एण्ड मेनेजमेन्टलाई अन्तर्राष्ट्रिय पदक मिलेको छ ।

शैक्षिक गुणस्तर र अनुसन्धानमा पु¥याएको योगदानको कदर गर्दै ‘क्वालिटी च्वाईस प्राईज २०१९’ को पदक प्रदान गरिएको कलेजका संस्थापक प्रिन्सिपल हरि भण्डारीले जानकारी दिए । यो पदक स्वीजरल्याण्डमा रहेको यूरोपियन सोसाइटी फर क्वालिटी रिसर्च नामक संस्थाले बर्लिनमा प्रदान गरेको हो ।

यो संस्थाले विश्वभरीका निजी सामुदायिक तथा पूर्ण सरकारी संघसंस्थाहरुलाई उनीहरुले पु¥याएको योगदानको आधारमा प्रदान गर्ने गर्दछ । पदक वितरण समारोहमा विश्वका ८५ देशका प्रतिनिधिहरु सहभागी थिए । यो पदक प्राप्त गर्नका लागि लगातार १० वर्षभन्दा बढी सम्बन्धित क्षेत्रमा योगदान गरेको हुनुपर्ने व्यवस्था छ ।

यसअघि अक्सफोर्ड कलेजले नै पहिलोपटक इन्टरनेशनल स्टार फर लिडरशीप क्वालिटी अवार्ड २०१८ प्राप्त गरेको थियो ।

तपाईको प्रतिक्रिया