प्रदेश २ को प्रदेशसभा बैठक बस्दै नबसी अनिश्चितकालका लागि स्थगित

राजनीति

       

जनकपुरधाम, २८ पुस । प्रदेश २ को प्रदेशसभा बैठक अनिश्चितकालका लागि स्थगित भएको छ ।

पुस २४ गतेलाई बोलाइएको बैठक पनि बस्दै नबसी स्थगित भएको थियो भने आज दिउँसो १ बजे बस्ने भनिएको बैठक पनि बस्दै नबसी स्थगित भएको छ ।

अब अर्काे सूचना जारी नभएसम्मका लागि बैठक स्थगित गरिएको प्रदेशसभा सचिवालयले जनाएको छ ।
प्रदेश २ को बैठक लामो समयदेखि बस्न सकेको छैन ।

यसले गर्दा प्रदेशको नामकरण र स्थायी राजधानीको विषयमा छलफल अगाडि बढ्न सकेको छैन । गत आर्थिक वर्षका योजनाहरुको बाँकी भुक्तानी नपाएसम्म प्रदेशसभा बैठक बस्ने नदिने अडान सांसदहरुको छ ।

प्रदेशसभाको बैठक अन्यौल भएसँगै संसदमा दर्ता गरिएका विधेयक उपरको छलफल समेत सुरु हुन सकेको छैन ।

तपाईको प्रतिक्रिया