सिटिजन्स बैंकद्वारा गैरसरकारी संस्थालार्ई सहयोग

अर्थ/वाणिज्य

       

काठमाडौं, ५ चैत । सिटिजन्स बैंक इन्टरनेसनल लिमिटेडले आसमान नामक गैर सरकारी संस्थालाई आर्थिक सहयोग प्रदान गरेको छ ।

बैंकको केन्द्रिय कार्यालय नारायणहिटी पथमा आयोजित एक कार्यक्रम बिच एक लाखको चेक आसमानलाई हस्तान्तरण गरिएको हो । संस्थाले करिव २९ वर्ष देखि शिक्षा, स्वास्थ्य, सांस्कृतिक जागरण तथा विकास जस्ता क्षेत्रमा सिमान्तकृत महिलाहरूको सशक्तिकरण तथा बालबालिकाहरूको चौतर्फी विकासका निम्ति विभिन्न परियोजनाहरू संचालन गर्दै आएको सेन्ट मेरिज स्कूलका भूतपूर्व विद्यार्थीहरूको छाता संगठन ‘आसमान’ले उक्त आर्थिक सहयोग पिछडिएका विद्यार्थीहरुको उत्थानमा प्रयोग गर्ने जनाएको छ ।

यस प्रकारको सहयोगबाट महिला तथा बालबालिकाको सशक्तिकरण, सवलिकरण तथा चौतर्फी विकासमा टेवा पुग्ने विश्वास बैंकले उल्लेख गरेको छ ।

तपाईको प्रतिक्रिया