काठमाडौं, १ मंसिर । हालैको सीआईआई–अर्नस्ट र यंग लेखलाई उल्लेख गर्दै भारतको केन्द्रीय वाणिज्य र उद्योगमन्त्री पियुष गोयलले मंगलबार भविष्यमा भारत विश्वव्यापी लगानीको केन्द्र बन्ने बताएका छन् ।

उनले भने, “हामीसँग सन् २०२५ सम्म मा १ सय २० देखि १ सय ६० अर्ब अमेरिकी डलर बराबरको वार्षिक एफडीआई आकर्षित गर्ने क्षमता छ । पछिल्ला सात वर्ष हामीले अप्रत्यासित एफडीआई प्रवाह देख्यौं ।’

एमएनसी विषयमा सिआईआई राष्ट्रिय सम्मेलन २०२१ को दोस्रो संस्करणलाई वस्तुतः ढाँचामा सम्बोधन गर्दै, उनले विश्वव्यापी सोच विचार परिवर्तन भएको उल्लेख गरे । आज विश्व पहिले जस्तो किन भारत मा भन्दा आज ’हामी भारतमा हुनुपर्छ!’ भन्ने मान्यता लिएको उनले बताए ।

उनले भने, “अन्य देशभन्दा यहाँ बढी सम्भावना छन् । सन् २०२१ अक्टोबर महिनामा गत वर्षको सोही महिनाको तुलनामा रोजगारीमा ४३% वृद्धि भएको छ । हाम्रो उत्पादन पीएमआई (उच्च छ) र सेवा पीएमआई एक दशककै उच्च अंकमा पुगेको छ ।”

मन्त्रीले सरकारले लगानीको वातावरण सुधारका लागि विभिन्न नीतिगत तथा व्यवसायिक सुधार ल्याएको बताए ।

उनले थप भने, “टाटा समूहले सफलतापूर्वक एयर इन्डियाको निजीकरणका लागि बोली लगाएको उदाहरण छ । हामीले धेरै वर्षदेखि लगानीको वातावरणको हिसाबले हामीलाई महँगो परेको अत्यन्तै दुर्भाग्यपूर्ण पूर्ववर्ती कर हटाएका छौं । हामीले खनिज उत्खनन् मा सुधार गरेका छौं, कोइला क्षेत्रमा पनि उचित कदम उठाएका छौं । ऊर्जा क्षेत्रमा पनि सकरात्मक आशा लिएका छौं । भारतमा नवीकरणीय ऊर्जाको ठूलो वृद्धि भएको छ । यी सबै कुराहरूले हामीलाई उज्ज्वल भविष्य खोज्न प्रोत्साहित गरेको छ ।”

उनले राष्ट्रिय एकल विन्डो प्रणाली (एनएसडब्लुएस) लाई पनि उल्लेख गरेका छन् । यसले लगानीकर्ताहरूलाई आवश्यक पर्ने स्वीकृति र सहायता का लागि एक केन्द्रको रूपमा सेवा दिन सुरु गरेको छ ।

“यस पोर्टलले १८ वटा केन्द्रीय विभाग र ९ वटा राज्यहरूमा अनुमोदनहरू प्रदान गरेको छ । साथै थप १४ वटा केन्द्रीय विभाग र ५ वटा राज्यहरू डिसेम्बरसम्म थपिनेछन् ।” गोयलका अनुसार भारतमा बहुराष्ट्रिय निगमहरू का लागि सबै सही सामग्रीहरू छन् र यसले यी निगमलाई विश्वव्यापी स्तरमा थप प्रतिस्पर्धी बन्न मद्दत गर्न सक्छ ।

“विविध व्यवसाय परिदृश्य, कानूनको शासन र पारदर्शी प्रणाली, दक्ष जनशक्ति र कम श्रम लागत, कुनै बाध्यकारी प्रविधि हस्तान्तरण छैन,” भारतीय बजारलाई विश्वमा लैजान र भारतीय संस्कृति, गुणस्तर र मूल्यमान्यताको दूत हुन प्रोत्साहित गर्दै गोयलले यी निगमलाई भारतको विकासको अभिन्न अंग भएको र तिनीहरूको योगदान ठूलो रहेको बताए ।

उनले सरकार र उद्योगबीचको साझेदारीलाई प्रवद्र्धन गर्नुपर्नेमा जोड दिएका छन् । उनले भने, “यस साझेदारी ले हामीलाई विचार दिन्छ, नव उपाय दिन्छ। यसले हामीलाई के गर्न आवश्यक छ भनेर बुझ्ने अवसर दिन्छ र, मलाई लाग्छ, यो साझेदारीलाई अझ सुदृढ गर्न आवश्यक छ ।” –इण्डिया न्यूज नेटवर्क