व्यवसायीद्वारा सडकमा कुखुरा फालेर आन्दोलन

समाचार

दिनेश ठाकुर, नेपालगन्ज, २ चैत । बाँकेका कुखुरा व्यवसायीहरुले सडकमा कुखुरा फालेर आन्दोलन गरेका छन् । नेपालगन्जको गणेशमान चोकमा कुखुरा फालेर आन्दोलन गरेका हुन् ।

उनीहरुको आन्दोलनका कारण केहिबेर सडक अबरुद्ध भएको थियो । भारतबाट अबैधरुपमा भित्रिने कुखुराका कारण नेपाली कुखुराले बजार नपाएका कारण बाध्य भएर आन्दोलन गर्नु परेको पोल्टी व्यवसायी मोहम्मद हुसेन खाँले बताए ।

खाँ भने आफ्नो समस्याबारे जिल्ला प्रशासन र जिल्ला प्रहरी कार्यालयलाई पटकपटक ध्यानाकर्षण गराउंदा पनि सुनुवाइ नभएपछि बाध्य भएर आन्दोलन गर्नु परेको उनको भनाइ छ ।

खाँले भारतबाट भित्रिने अबैध कुखुराका कारण नेपाली किसान पीडित बनेको बताए । सशस्त्र र नेपाल प्रहारीको सेटिङमा तस्करहरुले भारतबाट ज्युँदै कुखुरा र तयारी मासु नेपाल ल्याउने गरेको खाँले भने बाँकेको जमुनाहा नाका,डुडुवा गाँउपालिका, जानकी गाँउपालिकाको विभिन्न नाका र नरैनापुर गाँउपालिका क्षेत्रबाट ठूलो मात्रामा भारतबाट अबैध कुखुरा नेपालमा आउने गरेको खाँले बताए ।

नेपाल प्रहरी र शसस्त्र प्रहरीलाई मासिकरुपमा नै लाइन दिने कार्य नरोकिदासम्म नेपाली किसानले यसैगरी मार खेपिरहन पर्ने खाँले बताउनु भएको थियोे ।

तपाईको प्रतिक्रिया



ट्रेन्डिङ