काठमाडौं, २० असार । चीनविरुद्ध अमेरिकामा भारतीय नागरिकले विरोध प्रदर्शन गरेका छन् । भारतीय नागरिकले गरेको विरोध कार्यक्रममा ताइवान र तिब्बती मूलका अमेरिकी नागरिक पनि सहभागी थिए ।
उनीहरु चीनविरोधी ब्यानर र प्लाकार्ड लिएर विरोध प्रदर्शन गरेका थिए । विरोध कार्यक्रममा सहभागीले चीन बायकट जस्ता नारा पनि लगाए ।
जुन १५ मा गलवान घाटीमा भारत र चीनका सैनिकबीच भएको झडपमा भारतको २० र चीनको ४३ जना सैनिक मृत्यु भएको थियो ।
कोरोना भाइरसको संक्रमण फैलने चेतावनी दिए पनि चीनविरोधी गतिविधि भएको हो । अमेरिकाको मुख्य सहरमा चीनविरोधी प्रदर्शन भइरहेको छ ।
सहभागीको हातहातमा भारत, ताइवान र तिब्बतको झण्डा थियो । चीनको उत्पादनहरु प्रयोग नगर्ने जस्ता घोषणा गरिएको थियो । प्रदर्शनमा चीनमा उत्पादित सामग्रीहरुलाई निरुत्साहन गर्ने जस्ता आवाज पनि उठाइएको थियो ।
तपाईको प्रतिक्रिया