काठमाडौं, १५ बैशाख । अमेरिकी राष्ट्रपति जो बिडेनले महामारीको बिरूद्धको लडाईमा भारतलाई सहयोग पु¥याउने घोषणा गरेको एक दिन पछि संयुक्त राज्य अमेरिकाले कोभिड–१९ राहत भारत पठाउन तयारी गरेको छ ।

अमेरिकी विदेश सचिव टोनी ब्लीन्केनले बिडेन प्रशासनले भारतलाई कोविड १९ सहयोग प्रदान गरेको जानकारी प्रदान गर्न अमेरिकी कर्पोरेट जगतका नेताहरूसँग भर्चुअल बैठक गरेका छन् ।

ब्लिंकेनले भाारतमा तत्काल कोविड १९ राहत प्रयासको समर्थन र सहयोगको निम्ति अमेरिकी निजी क्षेत्रको विशेषज्ञता र क्षमताको कसरी उपयोग गर्न सकिन्छ भनेर छलफल गर्न सोमबार अमेरिकी व्यवसाय, युएस च्याम्बर अफ कमर्स र युएस–भारत बिजनेस काउन्सिलका नेताहरूसँग भेट गरेको विदेश विभागका प्रवक्ता नेड प्राइसले एक मीडिया ब्रीफिंगमा भने । बैठकमा करीव ४० शीर्ष अमेरिकी कम्पनीहरु उपस्थित थिए ।

भर्चुअल ब्रीफिंगको बेला, ब्लिंकेन र ग्लोबल कोविड प्रतिक्रिया र स्वास्थ्य सुरक्षा कोअर्डिनेटर गेल स्मिथ, र इण्डो–प्रशान्त मामिलाका लागि राष्ट्रिय सुरक्षा परिषद संयोजक कर्ट क्याम्पबेलले अमेरिकी सहयोगको बारेमा एक अद्यावधिक प्रदान गरे।

“ब्लिन्केनले अमेरिकी उद्योग साझेदारहरूको प्रशंसा गरे र पुष्टि गरे कि संयुक्त राज्य अमेरिका भारतको जनतासँग काँधमा काँध मिलाएर उभिरहेको छ। हामीले कोविड १९ संकट समाधानको लागि काम गरिरह्यौं।” नेड प्राइसले भने।

“हामी भारतमा अहिले जे देखिराखेका छौं त्यसले हामीलाई निरन्तर याद दिलाउँछ कि हाम्रा वैश्विक साझेदारहरु अझै पनि स्वास्थ्य संकट को सामना गरिरहेका छन् जस्का लागि पर्याप्त सार्वजनिक–निजी प्रतिक्रियाको आवश्यक छ। अमेरिकी चेम्बर अफ कमर्सका अध्यक्ष र प्रमुख कार्यकारी अधिकृत सुजान क्लार्कले भनिन्।

“यो विश्वव्यापी संकटका लागि वैश्विक प्रतिक्रियाको आवश्यकता छ, र अमेरिकी व्यापार समुदायको यस स्थितिमा अझ बढी सक्रिय भूमिका को आवश्यकता छ।“ उनले भनिन्।

यु एस चेम्बर अफ कमर्सले आफ्ना सदस्यहरूसँग देशभरिका अमेरिकी कम्पनीहरूबाट प्राप्त सहयोगलाई समन्वय गर्न काम गर्दैछ , र ठूलो भूमिका खेल्न खोजिरहेका व्यवसायहरूको लागि स्रोत र जानकारी प्रदान गर्दछ।

यी प्रयासहरूको एक हिस्साको रूपमा, युएस चेम्बरले भारतको कोविड १९ संकटको लागि पोर्टल सहित संसाधन विकास गरेको छ। यस पोर्टल को माध्यमबाट अमेरिकी कम्पनी यस्तै प्रकारका डोनेशन दिन सक्छन्।

एक मिडिया विज्ञप्तिमा भनिएको छ कि अमेरिकी चैम्बर अमेरिका र भारत दुवै सरकार सँग मिलेर काम गरिरहेको छ।
“हामी विश्वव्यापी समस्याहरू समाधान गर्न सार्वजनिक निजी साझेदारीको महत्त्व बुझ्छौं।“ सुज्यान क्लार्कले भनिन्।

“हामीले चालेका कदमहरूले सुरक्षित र प्रभावकारी खोपहरू अधिक व्यापक र विश्वव्यापी रूपमा उपलब्ध नभएसम्म भाइरससँग लड्न एउटा प्लेबुक प्रदान गर्ने छौं।“ उनले भनिन्। अमेरिकाको कोविड १९ संकटमा भारतको समर्थन अपेक्षा भन्दा धेरै पछि आयो।

अप्रिल २६ मा आयोजित प्रेस ब्रीफिंगमा यसै सवालमा उठेको प्रश्नको उत्तरमा अमेरिकी विदेश मन्त्रालयका प्रवक्ताले भने, “हो, हामीलाई समय लाग्यो, तर अहिले हामी ले भारतलाई चाहिने आवश्यक सहयोग प्रदान गरिरहेका छौं। र म आश्वस्त गर्न चाहन्छु कि आगामी दिनमा यो सहयोग झन् विस्तार हुँदै जानेछ। जस्तो कि भारतले हाम्रो देशले महामारीको सामना गर्नुपर्दा सहयोगमा आएसरी महामारीको शुरुका दिनदेखि नै हामीले भारतलाई धेरै आवश्यक सहयोग गरेका छौं।“ — इण्डिया न्यूज नेटवर्क