काठमाडौं, ३१ जेठ । संघीय सरकारमा सहभागी भएका जनता समाजवादी पार्टी नेपालका मन्त्रीहरुलाई अध्यक्ष उपेन्द्र यादवले सात दिनभित्र स्पष्टीकरण मागेका छन् ।
जसपाबाट सरकारमा सहभागी मन्त्रीहरुलाई अध्यक्ष उपेन्द्र यादवले स्पष्टीकरण सोधेका छन् ।
पार्टीको निर्णय बेगर सरकारमा सहभागी भएको भन्दै अध्यक्ष यादवले मन्त्रीहरुलाई स्पष्टीकरण सोधेका हुन् ।
अध्यक्ष यादवले भने, ‘पार्टीको कुन निर्णयबाट सरकारमा सहभागी भएको भनेर सोधेका छौं ।’ स्पष्टीकरण बुझाउन सात दिनको म्याद दिइएको उनले बताए ।
चारबुँदे स्पष्टीकरण पत्रमा सात दिनभित्र चित्तबुझ्दो जवाफ नआए राजनीतिक दलसम्बन्धी ऐन र जसपाको अन्तरिम विधान २०७७ बमोजिम कारबाही गर्ने चेतावनी दिइएको छ ।
तपाईको प्रतिक्रिया