मोरङ, २४ मंसिर । विराटनगर महानगरपालिका–१७ मटेरूवा बस्ने जसिम कुजराको घरबाट अवैध रूपमा भन्सार छली ल्याएको करिब २ लाख रुपैयाँ बराबरको १ सय ४७ सेट थर्मकोट बुधबार दिउँसो प्रहरीले बरामद गरेको छ ।
विशेष सूचनाको आधारमा जिल्ला प्रहरी कार्यालय मोरङबाट खटिएको प्रहरीले उक्त घर तलासी गर्दा भन्सार छलि ल्याई स्टोक गरी राखेको अवस्थामा जाडोमा लगाउने उक्त थर्मकोट फेला पारी बरामद गरेको हो ।
बरामद थर्मकोट आवश्यक कारवाहीको लागि मूल भन्सार कार्यालय रानी विराटनगरमा पठाइने जिल्ला प्रहरी कार्यालय मोरङले जनाएको छ ।
तपाईको प्रतिक्रिया