काठमाडौं, १६ चैत । भारतीय सेनाले नेपाली सेनालाई कोरोना भाइरसविरुद्धको खोप उपहारमा दिएको छ । भारतीय सेनाले नेपाली सेनालाई एक लाख डोज खोप दिएको हो ।
त्रिभुवन अन्तर्राष्ट्रिय विमानस्थलमा भारतीय सेनाले नेपाली सेनालाई उक्त खोप आइतबार बेलुकी दिएको हो । यसअघि भारतले नेपाललाई पहिलो चरणमा दश लाख डोज खोप निःशुल्क दिएको थियो ।
त्यसपछि नेपालले २० लाख डोज किनेको छ । १० लाख डोज आइसके पनि अर्को १० लाख डोज भने आउन बाँकी रहेको छ ।
नेपालले फ्रन्टियर, संचारकर्मी, कुटनीतिक नियोगका कर्मचारी, नेपाल सरकारका कर्मचारी, स्थानीय जनप्रतिनिधि र ६५ वर्षमाथिका सबै नागरिकलाई पहिलो डोज दिएको छ । दोस्रो डोज भने बैशाख ७ देखि दिने कार्यक्रम रहेको सरकारले जनाएको छ ।
तपाईको प्रतिक्रिया