काठमाडौं, १ असोज । भारतीय लोकसभाका सांसद राजु बिष्टले सगरमाथा आरोही तेन्जिङ नोर्गे शेर्पालाई ‘भारत रत्न’बाट सम्मान गर्न माग गरेका छन् । पश्चिम बंगालबाट निर्वाचित सांसद बिष्टले लोकसभा बैठकमा यस्तो माग गरेका हुन् ।
नेपालीमा बोलेका बिष्टले तेन्जिङ नै ‘भारत रत्न’ सम्मानको सर्वाधिक योग्य भएको बताए । ‘भारत वर्षले कुनै व्यक्तिलाई गर्ने सर्वोच्च नागरिक सम्मान ‘भारत रत्न’का सर्वाधिक योग्य वहाँलाई अझैसम्म सम्मान गर्न सकेका छनौँ’, बिष्टले भने, ‘म सरकारलाई स्वर्गीय तेन्जिङ नोर्गे शेर्पाज्यूलाई भारत रत्न सम्मान प्रदान गर्न अनुरोध गर्दछु ।’
उनले नेपाललगायत विश्वका थुप्रै मुलुकले शेर्पालाई सर्वोच्च सम्मान प्रदान गरेको स्मरण समेत गरेका थिए । बिष्ट भारतीय जनता पार्टीका तर्फबाट २०१९ को आम चुनावमा भारतीय लोकसभा सदस्यका लागि निर्वाचित भएका थिए ।
तपाईको प्रतिक्रिया