काठमाडौं, ४ जेठ । जनता समाजवादी पार्टी नेपालको संसदीय दलको नेतामा वरिष्ठ नेता राजेन्द्र महतोलाई निर्वाचित गरेको जानकारी संघीय संसद सचिवालयलाई जानकारी गराइएको छ ।
महतोलाई दलको नेतामा निर्वाचित गरेको व्यहोरा जसपाका अध्यक्ष महन्थ ठाकुरले मंगलबार सिंहदरबारस्थित संघीय संसद सचिवालयका महासचिवलाई जानकारी पठाएका हुन् ।
गत बिहीबार बैशाख ३० गते जसपाको संसदीय दलको बैठकले महतोलाई संघीय संसदको दलको नेतामा निर्वाचित गरेको थियो ।
संसदीय दलको विधान, संसदीय दलको बैठकको माइन्युटको प्रतिलिपिसमेत संघीय संसद सचिवालयमा पठाइएको छ ।
तपाईको प्रतिक्रिया