सप्तरी, ५ साउन । सोमबार साँझ परेको अविरल वर्षाका कारण जिल्लाको सयौं घर डुबानमा परेका छन् । सप्तकोशी नगरपालिका–४ स्थित चन्द्रनहर बाढीले कटान गर्दा करिब तीन सय घर डुवानमा परेको हो ।
अविरल वर्षाका कारण विभिन्न सात वटा खहरे खोलामा आएको बाढीले नहरको बाँध भत्काएर बस्तीमा पानी पसेको छ ।
सप्तकोसी नगरपालिकाका जुटपानी, सत्रापत्र, अमहा, ट्याङ्ग्रा लगायतका खहरे खोलामा आएको बाढीले चन्द्रनहरको दुई ठाँउमा भत्काएको छ ।
नहर फुटेर सप्तकोसी नगरपालिकाका वडा न १, २, ४ र ११ का गरी तीन सय घर डुबेका छन् ।
वर्षेनी बाढीका कारण सप्तरी जिल्ला डुबानमा पर्ने गरेको छ ।
तपाईको प्रतिक्रिया