जनकपुरधाम , १३ बैशाख। सप्तरी र सिराहाका केही स्थानीय तहलाई कोरोनाविरुद्व लड्न स्वास्थ्य सामग्री प्रदान गरिएको छ ।
सप्तरीको बिष्णुपुर र राजगढ गाउँपालिका तथा डाक्नेश्वरी नगरपालिकामा स्वास्थ्य सामग्री प्रदान गरिएको छ ।
यस्तै, सिराहाको सिराहा, कल्याणपुर तथा कर्जन्हा नगरपालिकामा स्वास्थ्य सामग्री प्रदान गरिएको छ ।
वेल्ट हङ्गर हिल्फेको आर्थिक सहयोगमा आसमान नेपाल, फरवार्ड नेपाल, दलित सरोकार मञ्च र महुली सामुदायिक विकास केन्द्रको समन्वयमा स्वास्थ्य सामग्री वितरण गरिएको हो ।
यी स्थानीय तहहरुमा आइआर थर्माेमिटर, सर्जिकल माक्स, एन ९५ मास्क, डिस्पोजेवल पञ्जा, सेनिटाइजरसहितका स्वास्थ्य सामग्री प्रदान गरिएको दलित सरोकार मञ्चका राजकुमार पासवानले जानकारी दिए ।
तपाईको प्रतिक्रिया