सर्लाही, २० माघ । तराई–मधेशमा केही दिनदेखि बढेको अत्याधिक चिसोका कारण जनजीवन एकदम प्रभावित भएको छ । शीतलहर र अत्याधिक चिसोका कारण सबभन्दा बढी प्रभावित विपन्न तथा असहायहरु भएका छन् ।
जिल्लाको रामनगर गाउँपालिकामा रहेका विपन्न तथा असहाय, वृद्ध, एकल महिला तथा अपाङ्गहरूलाई जाडोमा न्यानो स्वरूप कम्बल वितरण गर्ने कार्य शुरू भएको छ ।
जनता समाजवादी पार्टी नेपालनिकट राष्ट्रिय विद्यार्थी संघका केन्द्रीय अध्यक्ष मनिष मिश्रको सहयोग तथा प्रयासमा मंगलबारदेखि रामनगर गाउँपालिकाभरिका असहाय तथा विपन्नलाई कम्बल वितरण सुरु भएको छ ।
नेता मिश्रले उक्त कार्य गाउँपालिका भित्रका सम्पूर्ण टोलहरूमा कम्बल वितरण गर्ने योजना रहेको मधेशवाणीलाई बताएका छन् ।
तपाईको प्रतिक्रिया