काठमाडौं, ५ बैशाख । नेपाली सेनाले स्वास्थ्य सामग्री खरिदका लागि भारतलाई सम्झौता पत्रको ड्राफ्ट पठाएको छ ।
यसअघि भएको छलफल र पत्र आदान–प्रदानपछि भारतमा स्वास्थ्य सामग्रीबारे सम्झौता गर्न नेपालको तर्फबाट तयार ड्राफ्ट पठाइएको हो ।
यसअघि बुधबार भारतमा औषधिको अन्तिम सूची पठाइसकिएको छ । सम्झौताको ड्राफ्टबारे कोरोना क्राइसिस म्यानेजमेन्ट समितिमा छलफल भएको थियो ।
भारतले भने कोरोना संक्रमितको उपचारका लागि अत्यावश्यक स्वास्थ्य सामग्री नभएर ५३ प्रकारका औषधि अपलब्ध गराउने बताएको छ ।
भारतले भने नयाँदिल्लीस्थित नेपाली दूतावासमा सबै औषधि उपलब्ध गराउने भएको छ ।
यस्तै सरकारले चीनलाई पनि सम्झौता पत्रको ड्राफ्ट पठाएको छ । सम्झौताको प्रारम्भिक मस्यौदा अनुसार चीनले ६७ प्रकारका स्वास्थ्य सामग्री नेपाललाई उपलब्ध गराउने छ ।
तपाईको प्रतिक्रिया