जनकपुरधाम, २१ भाद्र । प्रदेश २ का पूर्वमन्त्री एवं सांसद जितेन्द्र सोनलले पनि लोकतान्त्रिक समाजवादी पार्टी (लोसपा) रोजेका छन् ।
तत्कालीन राजपाबाट निर्वाचित सांसद सोनल जनकपुरस्थित प्रदेश निर्वाचन कार्यालय पुगेर लोसपाको पक्षमा सनाखत गरेका हुन् ।
महन्थ ठाकुर पक्षको रहेको भन्दै मुख्यमन्त्री लालबाबु राउतले सोनललाई भौतिक पूर्वाधार विकास मन्त्रीबाट बर्खास्त गरेका थिए ।
उनको सनाखतसँगै लोसपाको पक्षका प्रदेशसभा सांसद संख्या १६ पुगेको छ । अब जसपामा २८ सांसद बांकी छन् ।
तपाईको प्रतिक्रिया