वीरगन्ज, १९ मंसिर । वीरगंज महानगरपालिका वडा नं. १९ स्थित वर्वाको चौरीमा क्रिकेट प्रतियोगिता भव्यरुपमा हुन गइरहेको छ ।
लोकतान्त्रिक समाजवादी पार्टी नेपालको आयोजनामा प्रदेश नं. २ स्तरीय टि–ट्वेन्टी क्रीकेट प्रतियोगिता हुन गइरहेको छ ।
टि–ट्वेन्टी क्रिकेट प्रतियागिताको सम्पूर्ण तयारी र क्रिकेट सामग्रीहरु सांसद रमेश प्रसाद कुर्मीको संसदिय कोषबाट उपलब्ध गराइएको छ ।
प्रदेश २ बाट छनौट भएका क्रिकेट टिम अम्बे च्याम्पीयन क्रिकेट क्लब, वर्वा क्रिकेट क्लब लगायत ४ वटा टिमहरुले यस खेलमा प्रतिस्पर्धा गर्नेछन् ।
खेलको उज्जवल भविष्यका लागि तराई क्षेत्रमा लोकतान्त्रिक समाजवादी पार्टीले यस्ता खेलहरुको आयोजना गर्दै आइरहेका छन् ।
यस पटकको खेलको विजेताहरुलाई पार्टीद्वारा खेलाडीहरुलाई सम्मानित गरी जिन्सीहरु प्रदान गर्ने योजना रहेको सांसदका स्वकीय सचिव शेख फिरोजले जानकारी दिए ।
शनिबार भएको क्रिकेट सामग्री हस्तान्तरण कार्यक्रममा सांसद रमेश प्रसाद कुर्मी, वरिष्ठ नेता राम चन्द्र पडित, नगर नेता विरेन्द्र साह, नगर वरिष्ठ उपाध्यक्ष शेख फिरोज, नगर सदस्य भुवन यादव, र क्रिकेट टिमका क्यापटनहरु मा रमेश यादव, विवेक यादव , लगायतको उपस्थिति रहेको थियो ।
तपाईको प्रतिक्रिया