काठमाडौं, २९ मंसिर । प्रदेश नं. २ को सामाजिक विकासमन्त्री नवलकिशोर साहले अध्यादेश प्रस्तुत गर्न खोज्दा लोकतान्त्रिक समाजवादी पार्टी नेपालले संसद अवरुद्ध गरेको छ ।
प्रदेश सभामा प्रदेश २ सरकारको तर्फबाट सामाजिक विकासमन्त्री नवल किशोर साहले अध्यादेश प्रस्तुत गर्न खोजेपछि लोसपाका सांसदहरु उभिएर बैठक अवरुद्ध गरेका हुन् ।
सरकारले प्रदेश सभालाई छलेर ल्याएको प्रदेश कृषि विश्वविद्यालय अध्यादेश र प्रदेश प्राविधिक विश्वविद्यालय अध्यादेशको उद्देश्य प्रष्ट नरहेको भन्दै लोसपाका प्रदेश सांसदहरुले बैठक अवरुद्ध गरेका हुन् ।
सभामुख सरोजकुमार यादवले समाजिक विकासमन्त्री साहलाई अध्यादेश प्रस्तुत गर्न अनुमति दिएपछि लोसपा संसदीय दलका सचेतक परमेश्वर साहले उभिएर बैठकमा अध्यादेश प्रस्तु हुन नदिने बताएका थिए ।
लोसपाका अन्य सांसदहरु समेत उभिएपछि प्रदेश सभा बैठक १५ मिनेटका लागि सभामुख यादवले स्थगित गरेका छन् । अध्यादेश फिर्ता नभएसम्म बैठक चल्न नदिने लोसपाले अडान लिएको छ ।
तपाईको प्रतिक्रिया