रौतहट, १३ पुस । डा.सीके राउत नेतृत्वको जनमत पार्टीले रौतहट जिल्लामा पनि आमहडताल र प्रदर्शन गर्ने निर्णय गरेको छ । सिरहाबाट किसानको लागि सुरु गरेको आन्दोलन अब रौतहटमा पनि गर्ने घोषणा गरेको हो ।
जनमत पार्टीका केन्द्रीय सदस्य तथा प्रकाशन विभाग प्रमुख ललित मल्लिक सानुले जनाएअनुसार रौतहट जिल्लाभरि भोलि बुधबार आमहडतालको घोषणा गरिएको छ ।
आज साँझ जिल्लाको मुख्य बजारहरु गौर, गरुडा, बंकुल, चपुर लगायतका ठाउँहरुमा मसाल जुलुस प्रदर्शन गर्ने र भोली आमहडतालको आह्वान गरिएको हो ।
आमहडतालमा अत्यावश्यक सामग्रीहरु (खाद्यान्न, औषधि पसल) को सवारी साधनलाई अवरोध नगर्ने जनाइएको छ । भोली गौरमा किसान जनप्रदर्शनसमेत गर्ने नेता मल्लिकले जनाए ।
तपाईको प्रतिक्रिया