काठमाडौं, ८ फागुन । निर्वाचन आयोगमा समावेशी लोकतान्त्रिक पार्टी नामक राजनीतिक दल दर्ता भएको छ, जसको चुनाव चिन्ह आँखा रहेको छ ।
यो दल गठनबाट उपेन्द्र यादव नेतृत्वको जनता समाजवादी पार्टीभित्र संशय उत्पन्न भएको छ । जसपाभित्र आन्तरिक विवाद चलिरहेको बेला संघीय परिषद् अध्यक्ष डा.बाबुराम भट्टराईले सो दल दर्ता गराउन लगाएको आशंकाहरु गरिँदैछ ।
कुनै बेला डा. बाबुराम भट्टराई नेतृत्वमा रहेको नयाँ शक्ति पार्टीको चुनाव चिह्न ‘आँखा’ लिएर निर्वाचन आयोगमा नयाँ दल दर्ता भएको छ ।
‘समावेशी लोकतान्त्रिक पार्टी’ नाममा दर्ता भएको पार्टीको अध्यक्षमा दीपक लामिछाने रहेका छन् । जनता समाजवादी पार्टीमा संघीय परिषद् अध्यक्ष डा. बाबुराम भट्टराई र अध्यक्ष उपेन्द्र यादवबीच विवाद चुलिएको बेला नयाँ पार्टी दर्ता हुनुलाई अर्थपूर्ण रूपमा हेरिएको छ ।
अमेरिकी सहयोग परियोजना (एमसीसी) विवाद चुलिएको बेला प्रमुख पार्टीहरूले बैठक बोलाएर यसबारे पार्टीको धारणा तय गरिरहेका छन् ।
जसपामा भने अध्यक्ष यादवले बैठक बोलाएका छैनन् । पार्टीमा डा भट्टराई पक्षधर नेताहरू एमसीसीको पक्षमा खुलेका छन् भने अध्यक्ष यादव पक्षीय नेताहरू मौन बसेका छन् ।
तपाईको प्रतिक्रिया