बारा, २३ जेठ । बाराको परवानीपुरमा मोटरसाइकलको ठक्करबाट एक जनाको मृत्यु भएको छ ।
परवानीपुर गाउँपालिका–४ मा आज भएको दुर्घटनामा भारत घर भएकी ५५ वर्षीया गनजली देवी कोइरनीको मृत्यु भएको हो ।
ठक्करबाट गम्भीर घाइते भएकी उनको उपचारका क्रममा बयोधा अस्पताल वीरगन्जमा मृत्यु भएको हो ।
चितवनबाट वीरगन्जतर्फ जाँदै गरेको बागमती प्रदेश ०३–००४ प ४२०० नम्बरको मोटरसाइकलले पैदल हिडिरहेकी कोइरनीलाई ठक्कर दिएको थियो ।
मोटरसाइकलसहित चालकलाई इलाका प्रहरी कार्यालय परवानीपुरले नियन्त्रणमा लिएको छ ।
तपाईको प्रतिक्रिया