नुवाकोट २८ जेठ। नुवाकोटको ककनी गाउँपालिकामा एक पुरुष विद्युतको हाइटेन्सन पोलको तारमा हिँड्न थालेपछि माथिल्लो त्रिशुली थ्री ए र केही साना जलविद्युत आयोजनाको उत्पादन बन्द गरिएको छ ।
शनिबार बिहान करिब १० बजेदेखि बेलकोटगढी नगरपालिका–१३ घलेगाउँका ४४ वर्षीय माइला विक विद्युतको हाइटेन्सन पोलमा चढेका हुन् ।
उनलाई स्थानीय र प्रहरीले तल झर्न आग्रह गरिरहेका छन् ।
ती व्यक्तिको मानसिक सन्तुलन ठिक नभएको र प्रहरीले त झर्नका लागि फकाइरहेको जिल्ला प्रहरी कार्यालयका प्रहरी नायब उपरीक्षक रूपक खड्काले जानकारी दिए ।
तारमा मान्छे हिँड्न थालेपछि प्राधिकरणले आफ्ना विद्युत आयोजना बन्द गरेर प्रशारण लाइनमा विद्युत प्रवाह बन्द गरेको हो ।
तपाईको प्रतिक्रिया