कैलाली, ५ असार । कैलालीको टीकापुरमा हात्तीको आक्रमणबाट एक जनाको मृत्यु भएको छ ।
मृत्यु हुनेमा टीकापुर नगरपालिका–१ की ५० वर्षीया टंकमाया सोडारी रहेकी छन् ।
शनिबार साँझ कर्णाली नदी किनार सनकट्टीघाटको जंगलबाट निस्केका दुई वटा हात्तीले सोही नदीमा तटबन्ध निर्माणमा मजदुरी गरेर घर फर्किरहेकी सोडारीलाई आक्रमण गरेको प्रहरीले जनाएको छ ।
उनीसँगै रहेका दुई जना महिलाले भने भागेर ज्यान जोगाएका छन् । पछिल्लो समय कैलाली र बर्दियामा जंगली जनावरको आक्रमण बढ्दै गएको छ । जङ्गल आसपासमा भएका क्षेत्रमा वर्षेनी दर्जनौँ मानिसको ज्यान जाने गरेको छ ।
तपाईको प्रतिक्रिया