काठमाडौं, २२ भाद्र । भारतीय सेनाध्यक्ष जनरल मनोज पाण्डेले मंगलबार प्रधानमन्त्री शेरबहादुर देउवासँग शिष्टाचार भेटवार्ता गरेका छन् ।
उक्त भेटवार्तामा भारतीय राजदूत नवीन श्रीवास्तव र अन्य अधिकारीहरुको पनि उपस्थिति थियो ।
भेटमा जनरल पाण्डेले आफ्नो भ्रमण कार्यतालिकाबारे प्रधानमन्त्री देउवालाई जानकारी गराउनुका साथै नेपाल सरकारले देखाएको न्यानो आतिथ्यप्रति व्यक्तिगत रुपमा आभार प्रकट गरेका थिए ।
भारतीय सेना प्रमुख जनरल पाण्डेले दुई देशबीचको रक्षा सहकार्यलाई थप मजबुत बनाउन प्रयास गर्नेे प्रतिबद्धता व्यक्त गरेका थिए ।
सोही दिन बिहान जनरल पाण्डेले शिवपुरीस्थित नेपाली सेनाको सैनिक कमाण्ड तथा स्टाफ कलेजको भ्रमण गरी त्यहाँका विद्यार्थी तथा कर्मचारीलाई सम्बोधन गरेका थिए ।
तपाईको प्रतिक्रिया