विराटनगर, २३ कार्तिक । नेपाली कांग्रेसको तर्फबाट मोरङ क्षेत्र नं. ३ (क) का प्रदेश सभा सदस्य उम्मेदवार शेखरचन्द्र थापाको निधन भएको छ ।
प्रदेश नं. १ का वनमन्त्रीसमेत रहेका थापाको निमोनियाबाट पीडित थिए । नोबल अस्पतालमा उपचारको क्रममा उनको निधन भएको हो ।
निर्वाचन आयोगका प्रवक्ता शालिग्राम शर्मा पौडेलका अनुसार, कुनै क्षेत्रमा उम्मेदवारको निधन भएमा सम्बन्धित दलले अर्को उम्मेदवार मनोनयन गर्ने सुविधा पाउनेछ ।
त्यसका लागि निर्वाचन तालिका केही परिमार्जन हुने तर मतदानको मिति भने नफेरिने उनले बताए ।
नेपाली कांग्रेसका उम्मेदवार थापाको निधनपछि सो क्षेत्रमा कांग्रेसको तर्फबाट अर्को उम्मेदवारको मनोनयन प्रक्रिया सुरु गरिएको छ ।
तपाईको प्रतिक्रिया