सप्तरी, ८ माघ । जिल्लाको महादेवा गाउँपालिकामा चिसोबाट प्रभावित पूर्ण अपाङ्ग जन्मजात हिँडडुल गर्न नसक्नेलाई आइतबार फाइबर सिरक वितरण गरेको छ ।
महादेवा गाउँपालिकाको वडा न.ं १ कार्यालयमा आयोजित सिरक वितरण कार्यक्रममा गाउँपालिका उपाध्यक्ष अर्चना कुमारी यादवले उक्त फाइबरका सिरहहरु वितरण गरेकी हुन् ।
उनले ६ वटै वडाका ३ सय पूर्ण अपाङ्ग जन्मजात हिँडडुल गर्न नसक्नेलाई सिरक वितरण गरिएको बताएकी छन् ।
उहाँले पालिकाबाट बिनियोजित गरिएको विपद् व्यवस्थापन कोषबाट सिरक खरीद गरि वितरण गरीएको जनाएको छ ।
सो अवसरमा गाउँपालिकाका लोसपाका युवा नेता सुरेन्द्र यादव, वडा सदस्य कमल प्रसेला लगायतको उपस्थिति रहेको थियो ।
तपाईको प्रतिक्रिया