अजय कुमार सिंह, जनकपुरधाम । संघीय आयोजना कार्यान्वयन इकाई धनुषाले वृक्षारोपण कार्यक्रमको आयोजना गरेको छ ।
जनकपुरधाम उपमहानगरपालिका वार्ड नं ४ स्थित तिरुहुतिया गाछीमा आयोजना गरिएको यस विशेष वृक्षारोपण कार्यक्रममा आयोजना प्रमुख वरिष्ठ ई. प्रदिप खनाल, ई. संजय महतो लगायत आयोजनाका अन्य कर्मचारीह समेत सहभागी थिए ।
कार्यक्रममा वातावरणको संरक्षण र जर्गेना हेतु सबैले प्रतिवद्धता जनाएका थिए ।
वृक्षारोपन गरी आउँदो पुस्ताका लागि र वाावरणीय स्वच्छता स्थापनाका लागि वृक्षारोपण अति आवश्यक रहेको कुरा आयोजना प्रमुख खनालले बताए ।
विभिन्न प्रजातिका विरुवाहरु लगाउनुका साथै विरुवाको सुरक्षाका लागि तार जालीको समेत व्यवस्था गरी लगाइएको थियो ।
उनले वृक्षारोपण गर्ने कार्य हाम्रो जारी रहने बताउँदै तिरुहुतिया गाछीको चारै तिर लगाउने बताए ।
तपाईको प्रतिक्रिया