रौतहट, ११ फागुन । नेपाल पत्रकार महासंघ रौतहटका अध्यक्ष रविन्द्र प्रसाद साह माथि गौर नगरपालिका वडा नं.४ कविर चौकमा सांघातिक हमला भएको छ ।
पान खानका लागि पसलमा गएको बेला मुख छोपेर आएका समूहले हमला गरी अध्यक्ष साहलाई घाइते बनाएको हो ।
तीनचार जनाको समूहमा आएका व्यक्तिले बाँसको लाठीबाट धमाधम प्रहार गरेको पीडित साहले बताएका छन् । लाठीको प्रहारबाट पत्रकार साहको टाउको तथा दाहिने हातमा चोट लागेको छ । बेलुकी साढे सात वजेको समयमा आक्रमण गरिको छ ।
जिल्ला अस्पतालमा प्राथमिक उपचार पछि थप उपचारको लागि विरगंज पढाइएको छ । अवस्था खतरामुक्त रहेको छ ।
पिडित साहले गौरकै संजय सहनी र राजनारायण साह भन्ने आरएन साहले आफु माथि सांघातिक हामला गरेको आरोप लगाएको छ । पिडित संघिय समाजवादी फोरम नेपाल रौतहटको सदस्य रहेका छन भने आरोपित नेकपा समर्थन रहेको छ ।
तपाईको प्रतिक्रिया