चितवन, १२ फागुन । चितवन जिल्लाको भरतपुर महानगरापालिका १ स्थित नारायणी नदिमा नुहाउने क्रममा वेपत्ता भएका एक जनाको शव एपीएफ टोलीले निकालेको छ ।
फागुन ११ गते नारायणी नदिमा नुहाउने क्रममा भारत घर भई सोही महानगरपालिका १ नारायणगढ डेरा गरी बस्ने १५ वर्षिय मनिष साह नदिमा डुवेर वेपत्ता भएका थिए ।
सो घटनाबारे जानकारी पाउनासाथै सशस्त्र प्रहरी बल, नेपाल विपद व्यवस्थापन तालिम शिक्षालय कुरिनटारबाट खटिएको एपीएफ टोली खोजी कार्यको लागि उक्त स्थानमा खटिएको थियो ।
आइतबार बिहानबाट सशस्त्र प्रहरी निरीक्षक भवराज कटुवालको कमाण्डमा आवश्यक उद्धार सामाग्रीसहित खटिएको गोताखोर टोलीले खोजी गर्ने क्रममा निज साहको शव बिहान करिव ११ बजे नदिबाट बाहिर निकाल्न सफल भएको हो ।
तपाईको प्रतिक्रिया