रुपन्देही, ४ असार । देबदह नगरपालिका १० चरंगे जंगलस्थित सडकमा बसमा मोटरसाइकल ठोक्किँदा एक जनाको ज्यान गएको छ ।
ना.४ ख ५२५० नम्बरको बसमा लु.४६ प ६१२३ नम्बरको मोटरसाइकल ठोकिएर दुर्घटना भएको हो ।
सो दुर्घटनामा मोटरसाइकल चालक रुपन्देही बुटवल उपमहानगरपालिका ७ दिपनगर बस्ने २० वर्षीय ऋषि क्षेत्रीको घटनास्थलमै मृत्यु भएको छ ।
दुर्घटनामा घाइते भएका मोटरसाइकलमा सवार अन्य २ जनालाई प्रादेशिक अस्पताल बुटवलतर्फ पठाइएको प्रहरीले जनाएको छ । बस चालकलाई प्रहरीले नियन्त्रणमा लिएको छ ।
तपाईको प्रतिक्रिया