विराटनगर, १० साउन । विराटनगर महानगरपालिकाले विराटनगरका विभिन्न चोकहरूमा औपचारिक रूपमा फ्रि वाईफाई सञ्चालन गरेको छ ।
निर्वाचनको बेला गरिएको प्रतिबद्धता अनुसार महानगरपालिकाका केही ठाउँलाई फ्री वाईफाई जडान गरिएको हो । महानगरपालिका र वल्डलिङ्क कम्युनिकेशन प्रा.लिको सहकार्यमा फ्रि वाईफाई सञ्चालनमा ल्याइएको महानगरपाकिलकाले जनाएको छ ।
महानगरका मेयर भीम पराजुलीले एक कार्यक्रमका वीच कञ्चनवारी चोकमा रहेको वाइफाईको स्विच अन गरेर विधिवतरूपमा उद्घाटन गरेका छन् । कार्यक्रममा बोल्दै मेयर पराजुलीले सञ्चारको युगलाई अझ फराकिलो बनाउने उदेश्य अनुरूप वाइफाइ जडान गरिएको बताए ।
तपाईको प्रतिक्रिया