रुपन्देही, १९ साउन । सशस्त्र प्रहरी बल, नेपाल नम्बर ३८ गुल्म हेक्वा (राजश्व तथा भन्सार सुरक्षा) रुपन्देहीको एपीएफ टोलीले करीब ६ लाख ५० हजार रुपैयाँ बराबरको चोरीपैठारीको लत्ताकपडा तथा उक्त लत्ताकपडा ल्याउन प्रयोग भएको एउटा यात्रुबाहक बस समेत बरामद गरी भन्सार कार्यालयमा बुझाएको छ ।
सो गुल्मबाट सशस्त्र प्रहरी नायव उपरीक्षक गोविन्दबहादुर खातीको कमाण्डमा खटिएको एपीएफ टोलीले साउन १७ गते उक्त लत्ताकपडा तथा गाडी रुपन्देही जिल्लाको सिद्धार्थनगर नगरपालिका १ डण्डा ईलाकाबाट बरामद गरेको थियो ।
दिल्ली–बुटवल चल्ने लु. १ ख ६६४९ नम्बरको यात्रुबाहक बसमा फल्सबटन बनाई लुकाई छिपाई भारतबाट नेपालतर्फ अवैध रुपले चोरीपैठारी गर्न लागेको अवस्थामा उल्लेखित मूल्य बराबरको विभिन्न किसिमका लत्ताकपडाहरु फेला परेपछि उक्त लत्ताकपडासहित सो गाडी समेत बरामद गरिएको हो ।
तपाईको प्रतिक्रिया