सर्लाही, १२ साउन । जिल्लाका विभिन्न पालिकाहरूमा स्रोत सुकेपछि पिउने पानीको हाहाकार भएको छ ।
पानीको हाहाकार बढेपछि चन्द्रनगर गाउँपालिकाका अध्यक्ष राजकुमार महतोको पहलमा खानेपानी वितरण गर्न थालिएको छ ।
गाउँपालिकाबाट पानी वितरण हुन थालेपछि स्थानीय हर्षित भएका छन् ।
चन्द्रनगरका झण्डै ९० प्रतिशत चापाकल सुकिसकेकोले पानीको समस्या टार्न पानी वितरण सुरु गरिएको महतोले बताए ।
सर्लाहीका चन्द्रनगर गाउँपालिका, लालबन्दी नगरपालिका, ईश्वरपुर नगरपालिका, कविलासी नगरपालिका, मलंगवा नगरपालिका लगायत अन्य विभिन्न पालिकाका चापाकलमा पानी आउन छाडेपछि पानी पाउन धौधौ भइरहेको छ ।
तपाईको प्रतिक्रिया