काठमाडौं । अविरल र विकराल वर्षाका कारण मुलुकभर भएको धनजनको क्षतिप्रति लोकतान्त्रिक समाजवादी पार्टी नेपालले गहिरो सम्वेदना व्यक्त गर्दै राहत त उद्धारका लागि अपिल जारी गरेको छ ।
लोसपा नेपालका प्रवक्ता डा.आभाष लाभले एक विज्ञप्ति जारी गर्दै यथाशीघ्र राहत र उद्धारका लागि सरोकारवाला सबैसँग अपिल गरेका हुन् ।
विकराल वर्षाले निम्त्याएको भीषण बाढी र पहिरोमा ज्यान गुमाएका एवं व्यापक जनधनको क्षति व्यहोरेका जनताप्रति लोसपा नेपालले गहिरो सम्वेदना व्यक्त गरेको प्रवक्ता डा. लाभले विज्ञप्तिमा उल्लेख गरेका छन् ।
‘खासगरी मधेशका विभिन्न जिल्लाहरुका ठाउँ–ठाउँमा अझै पनि बाढीले गर्दा रहेको हृदय विदारक पीडादायी स्थितिमा लोसपा नेपाल पनि सँगे गहिरो पीडाको अनुभव गर्दछ र याथशीघ्र उद्धार एवं राहतका लागि सरोकारवाला सबैसँग हार्दिक अपील एवं माग गर्दछ ।’ प्रवक्ता डा.लाभले भनेका छन् ।
तपाईको प्रतिक्रिया