काठमाडौं । पोखरा अन्तर्राष्ट्रिय विमानस्थल निर्माणमा १५ अर्बभन्दा बढीको भ्रष्टाचार भएको संसदीय उपसमितिको निष्कर्ष सार्वजनिक भएपछि राष्ट्रिय एकता अभियानले यस कदमको सराहना गरेको छ।

अभियानका अध्यक्षले आज एक वक्तव्य जारी गर्दै भ्रष्टाचारविरुद्ध अभियानको निरन्तर दबाब, जनजागरण र सशक्त वकालतले यस्तो गम्भीर अन्याय उजागर गर्न महत्वपूर्ण भूमिका खेलेको दाबी गरेका छन्।

“यो भ्रष्टाचारले नेपालको विकास र जनताको भविष्यमाथि गम्भीर आघात पु¥याएको छ,“ वक्तव्यमा उल्लेख गरिएको छ। उनले अख्तियार दुरुपयोग अनुसन्धान आयोग (ऋक्ष्ब्ब्) सँग दोषी अधिकारी, ठेकेदार तथा संलग्न सबैलाई कडा कारबाही गर्न र पारदर्शी छानबिन सुनिश्चित गर्न जोडदार माग समेत गरेका छन्।

राष्ट्रिय एकता अभियानले इमानदार शासन, जवाफदेही प्रशासन र राष्ट्रहितमा आधारित विकास प्रणालीको पक्षमा जनताको आवाज बुलन्द बनाउँदै आएको छ। अध्यक्षका अनुसार, “नेपालका जनताले निहित स्वार्थ र भ्रष्ट तत्वहरूको सञ्जाल होइन, जनमुखी र पारदर्शी शासन प्रणालीको हक राख्छन्।“

अभियानले भ्रष्टाचारविरुद्धको लडाइँमा अडिग रहने प्रतिबद्धता पुनः व्यक्त गर्दै देशव्यापी जनदबाब अझ सशक्त बनाउने चेतावनी दिएको छ।