काठमाडौं, १२ माघ । उपप्रधान एवम् रक्षामन्त्री ईश्वर पोखरेलले नेकपा र राजपा नेपालबीचको सहकार्य राम्रो सुरुआत भएको बताएका छन् ।
महोत्तरीको बर्दिवासमा नेकपा महोत्तरीद्वारा आयोजित प्रदेश नं २ बाट राष्ट्रियसभामा निर्वाचित प्रतिनिधिलाई बधाइ ज्ञापन गर्दै उनले राजपासँगको सहकार्यले निर्वाचनमा राम्रो परिणाम आएको बताए ।
‘राष्ट्रियसभा निर्वाचनमा दुवै दलको आवश्यकताले हामीबीच सहकार्य भयो’, उपप्रधानमन्त्री पोखरेलले भने, ‘अब मुलुकको समृद्धि अभियान अघि बढाउन यो सहकार्य अझ विश्वासिलो र सुदृढ बन्नु पर्दछ ।’
नेकपाबाट राष्ट्रियसभामा निर्वाचित तुलसा दाहाल र राधेश्याम पासवानले जनअधिकार र जनचासोका केन्द्रित रहने प्रतिबद्धता जनाए ।
तपाईको प्रतिक्रिया