विराटनगर, २८ पुस । नेपाली कांग्रेसका उपसभापति विजयकुमार गच्छदारले सङ्घीयता कार्यान्वयनमा नेपाली कांग्रेसको सहयोग रहने बताएका छन् ।
उनले यसका लागि राज्यको महत्वपूर्ण भूमिका रहने बताएका हुन् । विराटनगर विमानस्थलमा उनले नेपाली जनताको ठूलो बलिदान र संविधानसभाबाट ल्याइएको सङ्घीयता कार्यान्वयनमा नेपाली कांग्रेसको सहयोग रहने बताए ।
उनले आगामी माघ १० गते हुने पार्टीको केन्द्रीय समितिको बैठकबाट पार्टीभित्र दिगो एकता कायम हुने चर्चा गर्दै अब पार्टीभित्र एकताको कुनै विकल्प नरहेको प्रष्ट पारे ।
तपाईको प्रतिक्रिया