रुपन्देही, ६ पुस । बुटवल उपमहानगरपालिका–१० स्थित सडकमा मोटरसाइकल अनियन्त्रित भई अटोरिक्सामा ठोक्किँदा एकको मृत्यु भएको छ ।
लु.३८ प ४९५५ नम्बरको मोटरसाइकल अनियन्त्रित भई ना.२ ह २४५१ नम्बरको अटोरिक्शामा ठोक्किएर शनिबार राति दुर्घटना हुँदा मोटरसाइकल चालक गुल्मी धुर्कोट गाउँपालिका–४ घर भई हाल रुपन्देही तिलोत्तमा नगरपालिका–२ बस्ने ३५ वर्षीय किसान परियारको मृत्यु भएको छ ।
दुर्घटनामा गम्भीर घाइते भएका किसानको लुम्बिनी प्रादेशिक अस्पताल बुटवलमा उपचारको क्रममा मृत्यु भएको हो ।
दुर्घटनामा घाइते भएका मोटरसाइकलमा सवार देवदह नगरपालिका–१० बस्ने ३७ वर्षीय राजु परियारको सोही अस्पतालमा उपचार भइरहेको छ ।
दुवै सवारी साधन र अटोरिक्साका चालकलाई प्रहरीले नियन्त्रणमा लिएको छ ।
तपाईको प्रतिक्रिया