पर्सा, ३ मंसिर । पर्सा जिल्लाको विरगञ्ज महानगरपालिका १६ स्थित भन्सार मूलगेटबाट एपीएफ टोलीले करीव २ ग्राम ब्राउन सुगर जस्तो देखिने धुलोसहित दुई जनालाई पक्राउ गरेको छ ।
पक्राउ पर्नेमा बारा जिल्लाको जितपुर उपमहानगरपालिका ७ बस्ने २४ वर्षिय संजयकुमार खनाल र सोही उपमहानगरपालिका १२ बस्ने २३ वर्षिय पप्पुकुमार साह छन् ।
सशस्त्र प्रहरी बल नेपाल गुल्म हेक्वा पर्सा नम्बर १४ गुल्मबाट खटिएको एपीएफ टोलीले ना २१ प ४२६३ नम्बरको मोटरसाइकलमा भारतबाट नेपालतर्फ आउँदै गरेका उनीहरुलाई संका लागि जाँच गर्दा उनीहरुको साथमा उक्त परिणामको लागूऔषध फेला परेपछि उक्त मोटरसाइकलसहित उनीहरुलाई पक्राउ गरिएको हो ।
एपीएफ टोलीले पक्राउ परेकाहरुलाई बरामद लागूऔषध र मोटरसाइकलसहितै आवश्यक कारवाहीको लागि प्रहरी चौकी इनरुवामा बुझाएको छ ।
तपाईको प्रतिक्रिया