बारा, ५ चैत । जिल्ला प्रहरी कार्यालय बारा र समुदाय–प्रहरी जिल्ला समितिको संयुक्त आयोजनामा समुदाय–प्रहरी साझेदारी कार्यक्रमअन्तर्गत ‘होली पर्वलाई विकृतिरहित सभ्य र शिष्ट तरिकाले मनाऔं’ भन्ने मूल नाराका साथ होली सम्बन्धि सचेतनामूलक र्याली सोमबार सम्पन्न भएको छ ।
र्यालीमा जिल्ला समन्वय समितिका सभापति, बारा जिल्लाका प्रमुख जिल्ला अधिकारी, संचारकर्मी, स्थानीय शिक्षक तथा विद्यार्थी, सर्वसाधारण लगायत प्रहरी कर्मचारीहरुको सहभागिता रहेको थियो ।
उक्त र्यालीले जिल्ला प्रशासन कार्यालय बारामा भेला जम्मा भई कलैया बजारको परिक्रमा गरेको थियो । सो अवसरमा चेतनामूलक पर्चा पम्पलेटहरु समेत बितरण गरिएको थियो ।
तपाईको प्रतिक्रिया